Non podíamos pasar
por outra cousa. O gravado rupestre da Fontemariña é hoxe o resto arqueolóxico
visible máis próximo á Punta do Castro, tanto que se sitúa na mesma área
protexida polo Plan Especial e a delimitación de BIC. Por iso tiña que comandar
este capítulo de arqueoloxía sonense.
Non é un petróglifo
espectacular. Trátase dunha sinxela figura abstracta composta por una
combinación circular con cazoleta interior, pero o seu emprazamento,
empoleirado sobre as verdes agras da Arealonga, resulta suxestivo e moi
fermoso.
Non podo deixar de
pensar con emoción, que esta inscultura, simple pero de forte carácter
simbólico, xa estaba aí, escoitando o bruar do mar, moito antes de que Baroña,
na plenitude dun tempo novo, inzase as súas fortes murallas.
